Back Super Rugby 2015 German 2015 Super Rugby season English Súper Rugby 2015 Spanish Saison 2015 de Super Rugby French Super Rugby 2015 Italian Super Rugby (2015) Polish Супер рагби 2015. Serbian
| 2015 Superrugby | |
| |
Amptelike logo
| |
| Deelnemende lande |  Australië Suid-Afrika Nieu-Seeland
|
|---|---|
| Kampioen | Highlanders (1ste titel)
|
| Wedstryde gespeel | 125 |
| Drieë gedruk | 633 (gem. 5.064 per wedstryd) |
| Meeste punte aangeteken | 191 Lima Sopoaga (Highlanders) |
| Meeste drieë gedruk | 13 Waisake Naholo (Highlanders) |
Die 2015 Superrugbyseisoen was die vyfde seisoen van die vergrote 15-span-toernooi en die 20ste van die rugbykompetisie tussen provinsiale spanne van die suidelike halfrond. Wedstryde in die rondomtalie is elke naweek van 13 Februarie tot 13 Junie gespeel. Die eindwedstryd is op 4 Julie 2015 beslis.
Die kompetisie was oor 21 weke beslis met ’n totaal van 125 wedstryde wat gespeel is. Dit het begin met drie groepe van vyf spanne wat volgens lande ingedeel was (daar was dus ’n Australiese, Nieu-Seelandse en Suid-Afrikaanse groep). Die seisoenwedstryde het bestaan uit twee tipes wedstryde, nl.:
- Intergroepwedstryde – Elke span speel tweekeer teen elk van die ander spanne in die groep in tuiswedstryde.
- Tussengroepwedstryde – Elke span speel teen vier van die spanne van die ander twee groepe waarvan vier wedstryde tuis en vier wedstryde weg sal wees. Daar was dus teen een span van elke ander groep nié gespeel nie.
Die boonste span in elke groep, asook die volgende drie spanne op die algehele punteleer (ongeag hul plek in die groep), het in die uitspeelwedstryde gespeel.[1] Die boonste twee groepwenners (op die basis van die algehele punteleer) het ’n loslootjie ontvang vir die eerste ronde van die uitspeelwedstryde. In die eerste ronde van die uitspeelwedstryde was die derde groepwenner nommer drie met ’n tuiswedstryd teen die span wat sesde op die algehele punteleër eindig. Die span wat vierde geëindig het op die algehele punteleer het in ’n tuiswedstryd teen die span wat vyfde geëindig het gespeel. In die halfeindrondes speel die tweede groepwenner uit teen die span wat die eerste uitspeelronde gewen het en die hoogste op die punteleer is. Die eerste groepwenner speel dan teen die ander uitspeelrondewenner. Die eindronde is ’n tuiswedstryd vir die span wat die hoogste op die algehele punteleer eindig.[2]
- ↑ "Superrugby: Groepe" (in Engels). Australiese Rugbyunie. Geargiveer vanaf die oorspronklike op 27 April 2011. Besoek op 13 September 2010.
- ↑ "Superrugby: Formaat van uitspeelwedstryde" (in Engels). Australiese Rugbyunie. Geargiveer vanaf die oorspronklike op 2 Mei 2011. Besoek op 13 September 2010.